Gatzaga Buradon denboraren poderioz bere esentzia mantentzea lortu duen herri bat izan da. Horregatik, XX. mendean harresiak bizi izan zuen zaharberritzearen ondoren ez da egon aldaketa handirik bertako ondarean. Hala ere, antzinako argazkietan ikusten dugun asfaltatu gabeko enparantzan Oñatiko Kondeen jauregia ez zegoen gaur egun dagoen hondakin-egoeran, izan ere, teilatua oraindik mantentzen zuen. Bestalde, elizaren barrualdean, antzeko itxura mantentzen badu ere, aldaketa batzuk ikusi ahal dira. Argazkietan Juana de Acuña y Enríquez eta bere senarra zen Pedro Vélez de Guevararen berpizkunde garaiko hilobiak presbiterioaren bi aldeetan daude, koru azpira mugitu baino lehenago izan zuten kokalekua, hain zuzen ere.

XVI. mendeko izar-itxurako gagek estalia, elizaren barrualde zabala daukagu. Burualdean, aldare nagusia dago, guztiz urreztaturiko erretaula rokoko baten aurrean zenbait figura nabarmentzen dira. Erdialdean Ama Birjina daukagu, alboz-albo San Petri eta San Andres dituelarik, goialdean Betiereko Jaikoa gailentzen da. Predelan erliebedean bi eszena ditugu, Artzainen eta Erregeen gurtza. Erretaula honek kalitate eskaseko birmargotze bat jasan zuen, irudien berezko kalitatea ezkutatzen duena.

Erretaula gehiago ditu elizak, nabean zehar ez ezik gurutzadurari forma ematen dion alboko bi kaperetan ere kokatuak. Eskuinaldean Kristo sainduaren erretaula daukagu, eta ezkerraldean Errosarioaren Ama Birjinari eskainitakoa. Erretaularik deigarriena Purgatorioko Animei eskainitako erretaula izan liteke. Mihise batean, kondenatuek beren burua Frantzisko Asiskoa eta Domingo de Guzmánekin dagoen Karmengo Ama Birjinari gomendatzen diote.

Honen parean XVII. mendeko erlikia-ontzi-erretaula bitxi bat ikusten dugu oso egoera onean ez dagoena. Erdiko atean San Primo eta San Joan Batailatzailearen erlikiak gordetzen ziren. Gaur egun dituen eskulturek, hala ere, beste erretaula batzuetatik ekarriak, San Roke, San Sebastian eta San Karlos Borromeo errepresentatzen dituzte.

Badago Burdin hesiz inguratutako kapera bat, Bakardadearena izenekoa, non Aste Santuko prozesioetarako erabiltzen ziren irudi guztiak aurkitzen diren. Bertan,Kristo etzan bat dago, besoak tinko dituelarik Estaistea modu teatral batean errepresentatzeko intetzioarekin egin zen. Bere ondoan, Bakardarearen Ama Birjina, zigortze bat eta gurutzea ematen ari den Kristo bat ere gordetzen dira bertan.

Edonola ere, eliza honek duen harribitxi eztabaidaezina Juana de Acuña eta Enríquez eta Pedro Velez de Guevararen hilobiak dira. Gaur egun, koruaren azpian daude, nahiz eta tenpluak hainbatetan mugitu zituen. Hasiera batean, bata bestearen ondoan egon ziren, aldare nagusiaren ondoan, baina, ondoren, aldare horren bi alboetan kokatu ziren, duela gutxi, koruaren azpian euren egungo kokapena aurkitu zuten arte.

Doña Juana 1559an hil zen, bere senarra baino zortzi urte geroago, eta bere testamentuan hilobi zoragarri hauek egiteko agindua eman zuen, Araban mantentzen diren berpizkunde garaiko onenetako batzuk. Horien egiletza ezezaguna da, baina haien kalitate handia eta dituzten xehetasun eskultorikoen kantitatea direla eta, susmatzen da inguru hartan une horietan lan egiten zuten artista nagusiak, Felipe de Bigarny edo Berruguete, kasu.
Juana de Acuña y Enríquez garaiko dama altu bat bezala jantzita dago, ilean bildutako elaboratu batekin, luxuzko soineko batekin eta bular gainean dituen bitxiekin. Eskuetan liburu bat eta arrosario bat ditu, eta oinetan miniaturazko dama bat eta txakur bat dago. Alboetan, aingeruek eusten dioten leinuko armarri bat ikus daiteke.

Pedro Velez de Guevara zaldunez jantzita doa, armadura osoarekin eta ezpata bat eskuen artean duela. Bular gainean, Santiagoren gurutzea nabarmentzen da, bizi izan zen ordenakoa. Bere armadura, Errenazimenduko elementu apaingarri tipikoen erakusgarri bat da, non lehoiak eta aurpegiak bereizten ditugun artikulazioetan, uhaletan eta a candelieri-erako era guztietako xehetasunetan. Bere azpian ezkutari txiki batek kasket bat eusten du. Albo batean, Joana Acuñakoak bezala, aingeruek eusten duten ezkutu batek, bere familia identifikatzen du.